Во населбата Козле денеска е поставена првата асфалтна подлога на кракот од улицата „Ловќенска“ во должина од 70 метри и широчина од четири метри. Изведувач на градежните работи е фирмата „Жикол“, а општина Карпош за овој проект инвестираше околу 2.800.000 денари.
– Новопроектираната улица треба да обезбеди директен пристап на граѓаните до своите домови, соопшти општина Карпош.
Во продолжение на коловозот, општина Карпош изгради и потпорен ѕид во должина од 45 метри, кој треба да го реши проблемот со надојдените атмосферски води и свлечишта, со кој се соочуваат жителите од овој реон. Целата инвестиција, заедно со поставување на потпорниот ѕид и асфалтирањето на улицата ја чини општината над 4.200.000 денари.