Серија од дваесетина земјотреси со епицентри во преспанско-битолскиот регион регистрираа во текот на ноќта апаратите на Сеизмолошката опсерваторија при Природно-математичкиот факултет во Скопје, со својата телеметриска мрежа на сеизмолошки станици во Охрид, Битола, Крушево, Штип и Валандово.
Најсилниот бил во 22 часот и 49 минути, со епицентар на 20 км западно од Битола, со интензитет од 5 до 6 степени според Европската макросеизмичка скала-1998, во поширокиот преспанско-битолскио регион со интензитет од 4 до 5 степени според истата скала, а во останатите места на југозападниот дел од Македонија – со послаби интензитети.
Како што информира Сеизмолошката опсерваторија, по земјотресот синоќа, следувале уште два изутрината во 2 часот и 8 минути и во 3 часот и 16 минути.
– Со епицентри од истиот регион беа почувствувани во епицентралното подрачје со интензитет од 3 до 4 степени според Европската макросеизмичка скала-1998, соопшти Опсерваторијата.
