Семејствата на возачите кои превезуваат патници во карантин стравуваат од зараза

Од:

Семејствата на возачите кои превезуваат наши граѓани од граничните премини до местата одредени за задолжителен карантин се жалат дека живеат во страв од зараза секогаш кога тие ќе се вратат дома. Компанијата „Вардар Експрес“ која ги превезува патниците, семејствата велат дека не ги почитува целосно ниту препораките за заштита во автобусите.
„ Агенцијата дирекно ги изложува своите возачи на опасност од можна зараза од вирусот поради тоа што не им е обезбедена соодветна опрема за заштита, не се врши дезинфицирање на автобусите, не им е пружена соодветна насока за начинот на пренесување на патниците и не им е обезбеден карантин за самоизолација по завршувањето на транспортот при што тие се враќаат во своите домови и исто така дирекно претставуваат потенцијална закана за заразување на своите семејства од вирусот“, вели член на семејство на возач кој инсистираше на анонимност.
Од „Вардар Експрес“ пак велат дека целосно ги почитуваат препораките од Владата за заштита од коронавирус, а тврдат дека обезбедиле и посебен карантин за возачите.
„Пред самиот влез на патниците во автобусот им се мери температура, добиваат заштитни маски,средства за дезинфекција и ракавици. Додека за возачите се обезбедени заштитни одела, маски ракавици како и мерење на температура пред влегување во автобусот и започнување на работните ангажмани.По работниот ангажман возачите се сместени во посебни простории за карантин, поради превенција за заштита на нивните семејства , за да се исклучи секој ризик за ширење на вирусот. При функција на секој автобус и завршување на превозот се врши дезинфекција од страна на фирмата ’СТАРС ДДД’“, велат за „А1он“ од „Вардар Експрес“.

Агенцијата ставила на располагање на Владата 30 автобуси и 60 возачи, а до доцна во понеделникот ангажирани биле само шест од возачите кои превезле 66 патника до местата за карантин. Нагласуваат дека во автобусите, согласно препораките, поставиле паравани на секои четири седишта.

И покрај тврдењата на „Вардар Експрес“,дел од патниците кои се сместуваат во карантин се пожалија дека не добиле маски и ракавици ниту пак се почитувале правилата за растојание од два метри за време на превозот.

Владата не одговори на прашањата од „А1он“ дали склучиле договори за превоз на патници и со други компании и колку капацитети се отстапени за изолирање на Македонците кои се враќаат од странство.

Би можело да ве интересира

Општинскиот кризен штаб Куманово бара од Комисијата за здравство да ја увиди функционалоста и капацитетите на болницата

Ана Ололовска

Безбедносната состојба во општините Дебар и Центар Жупа стабилна

Ана Ололовска

Градоначалникот на Дебар: 22 брисеви се земени од средата до сега, резултати има само за два

Приведени се 122 лица кои не ја почитувале забраната за движење

Ана Ололовска

Во Куманово 14 прекршувања на ограничувањето на движење

Ана Ололовска

Филипче: Само таму каде има добра диспиплина, здравствениот систем може да го издржи ударот

Ана Ололовска