Селекторите исти, а главно и играчите. Информации и шпекулации, брифинзи од „високи“ партиски извори.
Воообичаено пред секое составување на новиот владин кабинет. Селекторите се истите, а главно и играчите.
Никола Груевски, најверојатно останува на верните и проверени кадри со мали рокади. Како и при составувањето на претходната Влада, поголеми смени прави коалицискиот партнер Али Ахмети.
Груевски и Ахмети си ги „трампаа“ ресорите одбрана и труд и социјала. Во ресорот одбрана Новиот човек од доверба на Груевски, партискиот генерален секретар Емил Димитриев најверојатно заменичката ќе ја замени со министерската фотелја. Најверојатно ќе „извиси“ најмладиот министер за труд и социјала.
Наместо Диме Спасов овој ресор, според меѓукоалицискиот договор ќе го добие кадар на ДУИ. Се споменува името на актуелниот директор на ПИОМ, Беким Незири.
Медиумите, блиски до власта лиферуваат информации дека Министерството за земјоделие, шумарство и водосопанство останува во рацете на социјалистите, но наместо Љупчо Димовски, министерската палка треба да ја превземе Михаил Цветков, кој беше ВД директор на Злетовица. По утрешниот партиски состанок на ДУИ ќе биде јасно кој ја задржал или освоил довербата на Ахмети.