Кризата продолжува, дури добива и поголем замав. Единствена можност за излез од кризата е по институционален пат, а не пад на институциите, рече лидерот на Алијансата за Албанците, Зијадин Села по средбата со комесарот Хан и европратениците.
Тој кажа дека не треба да се земаат поранешни изјави и да се сервираат како да се сегашни, туку треба да почне Собранието со работа, а секој кој не го посакува тоа е анархист.
– Претседателот може да има стотици лични ставови. Како претседател нема право на личен став, туку да постапува по Уставот и да го даде мандатот, рече Села.
Лидерот на Алијансата за Албанците кажа дека треба да се избере претседател на Собранието, што ќе биде уште еден доказ за мнозинство од 67 пратеници и напомена дека тој нема да биде кандидат за претседател на Собранието.