Зијадин Села, лидерот на Алијансата за Албанците по средбата со шефицата на еворпската дипломатија, Федерика Могерини, смета дека таканаречениот претседател на државата вчера прогласил државна анархија.
„Господинот Иванов не смее да се служи со дезинформации. Алијансата на Албанците стои и ќе стои зад платформата која е почната во 1991 година. Декларацијата не е насочена кон ниту еден народ. Ние не си даваме право да се сметаме за сопственици на правата на Албанците, но нема да дозволиме никој да биде тоа. Најмалку еден човек кој се нарекува претседател, а е само обичен член на довчерашната владејачка партија“ изјави Села.