Зијадин Села, лидерот на едно крило од Алијанса за Албанците на социјалните мрежи му одговори на екс сопартиецот, актуелниот министер за здравство, Арбен Таравари околу можноста за повторна соработка.
„Според албанската традиција и обичајното право, домот не е едноставно место каде што живееш, туку тоа е име и идентитет! Дали вратата или куќата е голема или мала го прави сопственикот на куќата. Честа, довербата, дадениот и одржан збор и мажественоста се атрибутите кои овој сопственик мора да ги има. А кога ги нема, тоа не се нарекува ниту куќа, ниту врата, а камоли голема“, вели Села на социјалните мрежи.
Таравари вчера рече дека кој сака е добредојден да им се придружи.
Во одговор на новинарско прашање дали е можно повторно спојување со лидерот на другото крило од АА изјави:
„Јас кажав дека нашата куќа, нашата фамилија е голема, за сите вратите се отворени, така што, кој сака нека повели, добредојден е“.