Осуденик од затворот Шутка бил фатен „на дело“ додека имал секс со својата вереница во затворскиот тоалет, објави весникот „Вест“.
„Вест пишува дека инцидентот се случил за време на викенд посетата. Еден од затворениците излегол во просторот за посети за да се сретне со неговата свршеница. Очевидци за весникот велат дека тој веднаш и се нафрлил и почнал страсно да ја бакнува, бидејќи таа била провокативно облечена, а тој не можел да се воздржи.
Користејќи го невниманието на затворските чувари заминале во тоалетот каде ја продолжиле љубовната сеанса, но таму ги забележал еден од затворските чувари. Кога дошол до вратата од тоалетот, слушнал љубовни воздишки, по што веднаш почнал да тропа на вратата од тоалетот и побарал затвореникот да излезе оттаму.
Парот молчел за да се помисли дека во тоалетот немало никој, но откако чуварот продолжил да тропа тие ја отвориле вратата.
Управата го казнила затвореникот кој три недели бил во Шутка и од отвореното одделение го преместила во изолација со право на 1 час прошетка дневни и две посети месечно.