Еден загинат, и тројца повредени во тешката сообраќајка која синоќа околу полноќ се случила на регионалниот пат Струмица-Валандово.
Според информациите од полицијата, со автомобилот “дајхатсу фероза“ со бугарски регистарски таблички, управувал 18-годишниот Т.Т. од струмскичко село Куклиш, а до несреќата дошло така што возилото излетало од коловозот, па се удрило во заштитната ограда а потоа и се превртело.
На лице место загинал 17-годишниот Столе Црнгаров, а возачот и останатите двајца сопатници (сите од селото Куклиш) биле повредени, и биле префрлени во струмичкиот клинички центар каде им била укажана лекарска помош.
МВР известува дека струмичката полиција извршила увид на местото на трагедијата.
