На фејсбук профилот „Стоп за полициската бруталност“ активистите објавија флаер со седум причини зошто граѓаните да излезат на протест.
Тие порачуваат дека граѓаните имаат право да го изразат своето незадоволство и дека причина за неучество на протестот не смее да биде доколку гласале за ВМРО-ДПМНЕ затоа што, потсетуваат, и Мартин Нешкоски беше приврзаник на оваа партија.
Демонстрациите кои започнаа во Скопје во вторникот, по објавувањето на прислушуваните разговори, од денес ќе се прошират во осум други градови.
Освен во Скопје, денеска ќе се протестира и во: Битола, Прилеп, Струмица, Кавадарци, Куманово, Охрид, Штип и во Свети Николе.