Седум лица се повредени во сообраќајна несреќа која утрово се случи на булеварот „Партизански одреди“ во Скопје.
Според првичните информации, до несреќата дошло при судир на комбе марка „фолксваген“ и приватен автобус бр. 22, во скопската населба Карпош 2, во 9 часот и 8 минути.
Од повредените шестмина се пренесени во Градската болница „8 Септември“, а едно лице во Ургентниот центар на скопските клиники.
На местото на несреќата полицијата прави увид.