Седум лица повредени во сообраќајна несреќа во околината на Велес, меѓу кои две деца

Во судар на две возила на патот Чашка – Голозинци повредени се седум лица.

Следете a1on на Instagram

Како што информира др.Василка Пановска Поп Стефанова, началник на Итната помош при Здравствениот дом Велес, повредените биле земeни со две возила на брзата помош и по укажаната помош итно биле префрлени во хируршките амбуланти на Општата болница во Велес.

Оттаму информираат дека две деца се повредени, од кое едното е во бесознание, по што истите веднаш се пренесени кон Хируршките клиники во Скопје.

Поп Стефанова појасни дека во Хируршкото одделение во велешката Општа болница се наоѓаат останатите пет повредени кои се со полесни повреди, но се во стабилна здравствена состојба.

Следете a1on на Youtube

„Извршени им се прегледи и рентген снимања и се утврдени полесни повреди, но оставени се на опсервација во болницата до утре сабајле“, додаде таа.