Седум чартер летови ќе бидат реализирани во текот на денешниот ден и ноќта на аеродромот „Св. Апостол Павле“ во Охрид, јави Охрид Њуз.
Првиот со 146 патници од Базел, Швајцарија, инаку Албанци од Струшко и Кичевско, слета на охридскиот аеродром во 13.30 часот.
Дел од патниците не беа расположени за разговор со новинарските екипи, но сепак имаше и такви кои не ја криеја целта на посетата, потврдувајќи дека во Македонија допатувале специјално за да гласаат на локалните избори.
На охридскиот аеродром патниците кои допатуваа од Базел ги чекаа автобуси, со кои се упатија кон крајните дестинации во Кичевско и Струшко, известува Охрид Њуз.
Според најавите, на аеродромот во Охрид во текот на утрешниот ден се очекува да пристигнат уште неколку чартер авиони со патници од Швајцарија, инаку државјани на Македонија со привремен престој во странство.