Во Собранието на Република Македонија денеска ќе заседаваат Законодавно-правната и комисиите за здравство и за прашања на изборите и именувањата.
Пред Законодавно-правната комисија се предлог-законите за нотаријатот и за извршување, двата во второ читање, како и Предлог – законот за Центар за извонредност за трансплантациона медицина и хируршки болести во прво читање.
Комисијата за здравство ќе расправа по Предлог – законот за Центар за извонредност за трансплантациска медицина и хируршки болести во прво читање, додека Комисијата за прашања на изборите и именувањата треба да ја утврди Предлог-одлуката за изменување на Одлуката за избор на претседатели, заменици на претседателите, членови и нивни заменици на комисиите на Собранието на Република Македонија.