Во Собранието на Република Македонија денеска седници ќе одржат комисиите за финансирање и буџет, за европски прашања и за економски прашања.
Комисијата за европски прашања организира јавна расправа за Предлог – законот за изменување и дополнување на Законот за безбедност на храна.
На дневен ред на Комисијата за финансирање и буџет се предлозите на законите за претворање на побарувањата на Република Македонија по основ на данок на додадена вредност и платени обврски кон странски кредитори и странски железнички претпријатија во траен влог во МЖ Транспорт АД Скопје, за користење и располагање со стварите во државна сопственост и со стварите во општинска сопственост и измените и дополнувањата на Законот за јавните набавки, сите во прво читање.
Измените на Законот за технолошки индустриски развојни зони, во второ читање, се на дневен ред на Комисијата за економски прашања.