Во Собранието на Република Македонија денеска седници ќе одржат комисијата за финансирање и буџет и за транспорт, врски и екологија, како и Законодавно – правната комисија.
Предлог на законот за изменување и дополнување на Законот за трансформација во редовен работен однос, по скратена постапка, во второ читање, поднесен од пратеникот Крсто Мукоски, е на дневен ред на двете комисии.
Законодавно-правната комисија треба да разгледа уште два закони во прво читање.
На дневен ред на Комисијата за транспорт, врски и екологија е Предлог на законот за изменување и дополнување на Законот за просторно и урбанистичко планирање, по скратена постапка, второ читање поднесен од Лилјана Затуроска и Олга Најденовска.