Во Собранието на Република Македонија денеска седници ќе одржат комисиите за транспорт, врски и екологија и за прашања на изборите и именувањата.
На дневен ред на Комисијата за транспорт, врски и екологија се Предлог измените на Законот за животната средина, во прво читање, предложен од неколку опозициски пратеници.
Собраниската Комисија за прашања на изборите и именувањата треба да утврди предлог – одлуки за именување на претседател и членови на Комисијата за заштита на правото на слободен пристап до информации од јавен карактер, за именување на член на Управниот одбор на Агенцијата за регулирање на железничкиот сектор, за избор на претседател и членови на Државната комисија за одлучување во управна постапка и постапка од работен однос во втор степен и за избор на претседател и членови на Државната комисија за жалби по јавни набавки.