Во републичкото Собрание за денеска се најавени седници на комисиите за економски прашања и за одбрана и безбедност.
На дневен ред на Комисијата за економски прашања се Предлог-закон за изменување и дополнување на Законот за надзор на пазарот, во прво читање и годишните извештаи за работата на Комисијата за заштита на конкуренцијата и на Регулаторната комисија за енергетика за 2012 година.
Членовите на Комисијата за одбрана и безбедност ќе расправаат за Предлог-одлуката за испраќање на припадник на Армијата на Република Македонија за учество во мировната операција на Обединетите нации УНИФИЛ во Либан.