Во Собранието на Република Македонија денеска седници ќе одржат комисиите за труд и социјална политика, за економски прашања, за политички систем и односи меѓу заедниците, како и Законодавно-правната комисија.
На дневен ред на Комисијата за економски прашања се измените и дополнувањата на Законот за минерални суровини, на Законот за технолошки индустриски развојни зони и на Законот за индустриски – зелени зони, сите по скратена постапка и во второ читање.
Предлог – закон за изменување и дополнување на Законот за пензиското и инвалидското осигурување, по скратена постапка, во второ читање ќе биде разгледуван на Комисијата за труд и социјална политика.
Комисијата за земјоделство, шумарство и водостопанство ќе расправа за Предлог – законот за изменување и дополнување на Законот за шумите, по скратена постапка.
Измените и дополнувањата на Кривичниот законик и на Законот за управување со конфискуван имот, имотна корист и одземени предмети во кривична и прекршочна постапка, двата по скратена постапка и во второ читање се на дневен ред на Комисијата за политички систем и односи меѓу заедниците.
Седница ќе одржи и Законодавно-правната комисија.