Во Собранието на Република Македонија денеска седници ќе одржат комисиите за економски прашања и за земјоделство, шумарство и водостопанство.
На дневен ред на Комисијата за економски прашања се предлог-законите за изменување и дополнување на Законот за едношалтерскиот систем и за водење на трговскиот регистар и регистар на други правни лица, на законот за трговија и на Законот за заштита на потрошувачите, сите во прво читање.
Членовите пак на Комисијата за земјоделство, шумарство и водостопанство ќе расправаат по Предлог-законот за изменување и дополнување на Законот за Државниот инспекторат за земјделство, во второ читање, и Предлог-законот за дополнување на Законот за продажба на земјоделско земјиште во дрзавна сопственост во прво читање.