Во Собранието на Република Македонија денеска седници ќе одржат Комисијата за финасирање и буџет и Законодавно-правната комисија.
На дневниот ред на двете комисиии се предлог законите за изменување и дополнување на Законот за задолжница и на Законот за финансиска дисциплина, двата по скратена постапка во второ читање.
Во Собранието на Република Македонија денеска седници ќе одржат комисиите за надворешна политика и за земјоделство, шумарство и водостопанство.
Комисијата за надворешна политика ќе ги разгледа Предлог законот за ратификација на Договорот помеѓу Владата на Република Македонија и Владата на Федеративна Република Бразил за соработка во областа на образованието, Предлог законот за ратификација на Договорот помеѓу Република Македонија и Аргентинската Република за размена на информации за даночни прашања, Предлог законот за ратификација на Спогодбата меѓу Владата на Република Македонија и Владата на Република Косово за отворање на нов заеднички граничен премин наменет за меѓународен патен сообраќај меѓу двете земји „Белановце-Станчиќ“, како и Предлог законот за ратификација на Договорот меѓу Владата на Република Македонија и Владата на Република Турција за основање и за активностите на културните центри.
Пред Комисијата за земјоделство се Предлог законот за изменување и дополнување на Законот за земјоделското земјиште и Предлог законот за изменување и дополнување на Законот за пасиштата, двата во прво читање.
