Во Собранието на Република Македонија денеска ќе заседаваат Законодавно-правната и комисиите за политички систем и односи меѓу заедниците, за земјоделство, шумарство и водостопанство и за здравство.
На дневен ред на двете комисии се предлог – законите за изменување и дополнување на законите за извршување на санкциите и за јавнообвинителска служба, двата по скратена постапка – второ читање.
Пред Комисијата за земјоделство е Предлог-законот за дополнување на Законот за земјоделство и рурален развој, по скратена постапка, додека Комисијата за здравство ќе расправа по предлог-законите за медицинските сестри и акушерките и за слободните здравствени зони, двата во прво читање.