Во седиштето на ВМРО-ДПМНЕ започна состанокот на Централниот комитет на партијата. Во „Белата палата“ присутни се повеќе членови на партиското раководство, кои пред почетокот на состанокот не сакаат јавно да коментираат за денешната итна седница на Извршниот и Централниот комитет.
Антонио Милошоски, Тони Михајловски, Јохан Тарчуловски, како и другите членови на ЦК и ИК кои ги затекнавме пред партиското седиште не сакаа да дадат изјава за фаворитот за претседателски кандидат, ниту за можните предвремени избори кои ги бара ВМРО-ДПМНЕ.
Денешната седница на ИК и ЦК на ВМРО-ДПМНЕ, следува по одлуката на СДСМ да го одложи конечниот став за предвремени парламентарни избори.
Галена Николовска-Ризвановиќ