76-годишна жена вчера вечер во битолската полиција пријавила дека исчезнал нејзиниот две години повозрасен сопруг кој имал здравствени проблеми.
Полицијата го барала во околината на Битола и два и пол часа по пријавувањето го пронашла на патот Битола-Пелистер односно во правец на селото Нижеполе. Човекот бил пронајден во добра здравствена состојба и безбедно е вратен дома.
– Во текот на потрагата извршено е пребарување на поширок периметар во и околу Битола и за два и пол часа од добиената пријава, поточно во 23.45 часот, на патот Битола – Пелистер, поконкретно на патот за с.Нижеполе, лицето е пронајдено во добра здравствена состојба и безбедно вратено во домот информираат од МВР.