Се уште не е прооден патот кон скиjaчкиот центар Кожуф, информираше денеска извршниот директор на центарот, Ангел Наков.
Центарот територијално припаѓа во кавадаречката општина, а и седиштето на компанијата која стопанисува со него е во Кавадарци.
– За жал, барем засега до центарот се стигнува само по патот од гевгелиска страна кој води преку месноста Смрдлива вода. Но и овој пат, веќе петти ден патот е непрооден поради свлечиште што донесе земја и карпи на патот, а на последните 8 километри од патот има и неисчистен снег од околу триесетина сантиметри, објасни Наков.
Тој најави дека во текот на утрешниот ден ќе се обидат пеш да стигнат до центарот заради основно одржување на објектите во него. Исто така изрази надеж дека во најскоро време патот ќе биде исчистен и прооден за да може до него да стигнат сите заинтересирани туристи.