Се укинуваат редукциите на вода за пиење во Кавадарци, соопшти денеска Илија Атанасов, директор на кавадаречкото јавно претпријатие „Комуналец”.
Стартот на редукциите беше во месец јуни минатата година. Се почна со дневни редукции, за подоцна да се воведат и ноќни. Во зависност од состојбата со водоснабдувањето во градот, редукциите трпеа корекции во однос на времетраењето.
– Со редукциите се надополнуваше недостигот од доволно количини на вода за пиење. За време на редукциите се полнеа резервоарите со вода со цел нормално водоснабдување во сите зони од градот и доволен притисок на вода за пиење во цевките, рече Атанасов.