Во рамки на есенската акција за чистење во општина Кисела Вода се расчистува сметот во месните заедници Припор и Усје.
Од општина Кисела Вода информираат дека во овие месни заедници се врши расчистување на сметот на сите јавни површини, се чистат тротоарите, улиците и тревните површини.
Со акцијата опфатено е кастрење на гранките на дрвјата и грмушките. Се одвиваат и активности за собирање кабаст отпад. Вклучени се 20 сезонски работници и еден камион.