Општина Кавадарци спроведе акција за расчистување на околината на споменикот на 12 младинци кај Моклиште, во кавадаречкото село Ваташа.
– Во соработка со компанијата „Ја-Ми“ која донираше механизација, беа расчистени пристапниот пат од спојот на регионалниот патен правец до споменикот, потоа обраснатиот простор на платото кај споменикот, како и пешачката патека која води од споменикот до одморалиштето кај воденицата, велат од кабинетот на градоначалникот Митко Јанчев.
Во акцијата, додаваат, од обраснатите грмушки и наносите од земја беше расчистен и делот околу чешмата која се наоѓа на влезот.
Нагласуваат дека ова е само дел од активностите што ќе ги преземе општина Кавадарци во делот на уредувањето на најзначајниот споменик од историјата на НОБ во Ваташа и Кавадарци.