Во Крива Паланка во тек се градежни активности за пробивање алтернативниот пат до селото Костур, каде интензивните врнежи од дожд на почетокот на месецот направија големи штети и свлечишта.
Од локалната самоуправа информираат дека во завршна фаза се активностите на терен.
– Од неодамнешните врнежи оштетени и онеспособени за сообраќај беа двата постоечки пристапни мостови што водат до селото. Како последица на тоа, локалното население кое живее во овој дел на општината беше оневозможено да стигне до домовите и градот. Со цел да извршат санација на штетите стручни лица од општинските служби веднаш по поплавите излегоа на терен, ги констатираа состојбите и превземаа низа технички мерки за разрешување на пробемите, информираат од општината.