Р.Ц.(74) од селото Горно Варовиште, Кривопаланечко, починала откако тракторот во кој била сопатник, се првертел, а приколката ја поклопила.
Немилиот настан се случил вчера утрото во местото викано Санде-Калина, а пријавен е околу 09:00 часот во Полициската станица Крива Паланка.
Според МВР, тракторот се движел по некатегоризиран пат во Горно Варовиште, а со него управувал М.Ц. кој, пак, здобил повреди и е пренесен во Здравствен дом – Крива Паланка.
Увид извршила екипа од Полициската станица. По наредба на Јавен обвинител телото на починатата било дадено на обдукција.
