Се прави план за долгорочно лекување во надворешни центри на повредените во дискотеката „Пулс“

Од:

Се утврдуваат потреби за долгорочно лекување во надворешни центри во втора фаза, информираше денеска доктор Игор Николов, контакт – лице за состојбата на пациентите од пожарот во дискотеката во Кочани.

Тој потврди дека има понуди од земји да третираат или за долгорочна рехабилитација да водат пациенти.

– Во моментов, на Пластична хирургија е само пациентка вратена од Унгарија. Тројца пациенти се отидени на домашно лекување, со препорака за редовни контроли. Во „Свети Наум Охридски“ има шестмина пациенти. Сите се стабилни, се очекува испис утре. На Токсикологија има двајца пациенти. И двајцата се стабилни. Во ГОБ „8 Септември“ нема пациенти во моментов, појасни Николов.

Шеесет и девет пациенти од пожарот во дискотеката во Кочани сѐ уште се лекуваат во странство. Засега, нема планирано враќање на некој од нив во текот на денешниот ден.

Пожарот во дискотеката „Пулс“ во Кочани избувна рано наутро на 16 март. Шеесет лица го изгубија животот во трагедијата.

Би можело да ве интересира

ВИДЕО: Пет месеци по трагедијата, родителите на жртвите повторно маршираа во Кочани

Катерина Ѓуровски

Петмина српски државјани се повредени во експлозија во Аспровалта

Горан Наумовски

Сообраќајка на автопатот Велес-Градско, повредени се двајца државјани на Босна и Херцеговина

Тежок кран згмечи тројца работници во тунел, полицијата се сомнева во технички дефект

(ВИДЕО) Несреќа во забавен парк во саудискиот град Таиф, повредени се 23 лица

Горан Наумовски

Левица: Нечовечноста на Владата го остави за министер обвинетиот Шабан Салиу