Сè повеќе полицајци го тужат МВР

Од:

Расте бројот на полицајци кои го тужат својот работодавец. Според независните синдикати, тие бараат отштета по разни основи , меѓу кои најголемиот број се за неисплатена хранарина, патни трошоци или разлика во плата за прекувремена работа. Ги охрабрува искуството на колегите кои во изминатите неколку години без многу проблеми добиле надомест во просек од илјада до три илјади евра. Станува збор за огромни суми, бидејќи , покрај овие пари, со судска одлука на товар на МВР паѓаат и судските трошоци и каматите за неколку години, известува Телма.

– Во делот на МВР според нашите сознанија исплатени се околу 8 милиони евра.Оваа сума се однесува на период од 5 години – вели Гоце Делчев Тодев, координатор на Конфедерацијата на синдикални организации.

Делчев предупредува дека се подготвува нова серија тужби чија вкупна вредност повторно ќе се брои во милиони евра. Вработените се незадоволни поради тоа што подолг период немаат добиено нови чевли и чизми, спорен е квалитетот на униформите, а основа за тужба е и лошата состојба во која што се наоѓаат возилата на граничната полиција.

– Тие се полоши од најлошите на кој било отпад. Ние како полиција возиме такви возила, а од граѓаните бараме да купуваат автомобили кои задоволуваат одредени стандарди – вели Делчев.

Делчев, кој и самиот четири пати до сега го тужел МВР за што добил вкупна отштета од 320 000 денари, прашува дали министерката Јанкулоска конечно ќе побара одговорност од правната служба.

– Можеби некој намерно и сервира вакви проблеми. Очигледно некој се богати врз грбот на припадниците на МВР, како на пример адвокатите, извршителите, но банките преку пресметаните камати – вели Делчев.

Би можело да ве интересира

МВР апелира до родителите и јавноста: Препознајте ја опасноста од групата „764“ – заштитете ги децата

(ФОТО) Левица: Полициско насилство врз малолетници во Охрид – Tошковски молчи

А1он

Две верзии за целта на планираниот атентат во Грција: Ирански дисидент или израелски државјанин

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

МВР во 2026 сè уште работи со тефтери, Тошковски најавува дигитализација за три до четири месеци

За пет часа полицијата напиша 221 казна за пешаците во Македонија

А1он