Јавното претпријатие „Комуналец” од Кавадарци започна со поставување контејнери за селектирање отпад кои се обезбедени во соработка со компанијата „Пакомак”.
Станува збор за 45 контејнери за селектирање стакло, пластика и хартија. Распоредени се на повеќе улици во градот, каде што има простор и технички можности.
– Апелираме до граѓаните да го селектираат отпадот, кој во понатамошна процедура ќе се рециклира и ќе донесе бенефит за општинатата и што е најважно, почиста животна средина, вели Јован Ристов, раководител на Секторот за комунална хигиена во „Комуналец”.