Во општина Кисела Вода се работи на санација на фонтаните. Од општината информираат дека фирмата која била избрана за најповолна на тендерот веќе завршила со санација на неколку фонтани и оти на останатите се работи и тие ќе бидат пуштени во текот на неделата.
– Се работи за пет фонтани кои се поставени во поголемите паркови и на локации каде често се собираат жителите на општината. Паралелно се работи и на санација на реквизитите во детските игралишта, како жителите би можеле во целост овие места да ги искористат за она за што се наменети, за одмор и рекреација, информираат од општината.
Оттаму апелираат на совесно однесување од страна на граѓаните и чување на урбаната опрема и детските реквизити.