Албански државјанин во Стар Дојран се обидел да поткупи полицаец со 20 евра и добил притвор од осум дена.
Како што соопшти полицијата, вчера околу полноќ, во Стар Дојран, Б.Г (36) од Р.Албанија, откако предходно го нарушил јавниот ред и мир со викање и карање,се обидел да го поткупи полицаец кој го легитимирал.
Тој извадил банкнота од 20 евра и сакал да му ја стави во џебот од кошулата на полицаецот.
Откако полицискиот службеник одбил, Б.Г. повторно се обидел, по што е приведен во полициска станица поради постоење основи на сомнение дека сторил кривично дело „давање поткуп“.
Од страна на судија во предходна постапка одредена му е мерка притвор во траење од осум дена.