Цената на метанот како автомобилско гориво од денеска се намалува од 62,00 на 49,00 денари по килограм, односно за 21 отсто, соопшти „Макпетрол“.
– Метанот е гориво што се добива од компримирање на природниот гас, за разлика од веќе распространетиот ТНГ автоплин што е продукт добиен при преработка на суровата нафта. Метанот заради својата економичност и еколошки карактеристики наоѓа се поголема примена. „Макпетрол“ досега има изградено две полнилници на метан за возила на бензинските станици во Влае и Куманово на автопатот кон Табановце, се вели во соопштението „Макпетрол“.