Граѓанин денеска се обидел да гласа приложувајќи лична карта со поминат рок на важење, но членовите на избирачкиот одбор не му дозволиле.
Тој се налутил и започнал вербална расправија, притоа со мобилен телефон ги снимил членовите на избирачкиот одбор.
„Во Основното јавно обвинителство Скопје добиено е известување за настан во избирачко место во ОУ „Петар Поп Арсов“. Јавен обвинител презема дејствија за расчистување на инцидентот“, информираат од Обвинителството.
Од Државната изборна комисија, информираа дека денешното гласање за предвремените парламентарни избори започна навреме во 7 часот и тече без прекини.