Се гради тротоарот кон штипската Клиничка болница на улицата „Тодор Коларов“. Станува збор за уништена тротоарна површина, која со години не е реконструирана.
Средствата за овој градежен зафат во висина од 764 илјади денари се обезбедени од буџетот на општина Штип.
– Станува збор за тротоар којшто го користат пациентите или нивните роднини, а којшто откако ќе биде уреден и реконструиран, ќе биде вистински безбедна опција за пешаците. Потегот кон Клиничка болница е еден од најважните, витални објекти во градот и во Источниот регион, изјави градоначалникот на Штип Благој Бочварски, кој денеска заедно со директорот на ЈП „Стипион“ Сашко Протогеров извршија увид во градежните работи.
Градежните работи се очекува да завршат за 15 дена.
