На парцела од 1.617 квадратни метри се гради трговскиот центар „Сити Центар“ во Прилеп кој ќе биде објект од затворен тип во кој 12 месеци ќе има греење а има и вентилација и климатизација.
На простор од 1.617 квадрати е предвидена изградба и на визба, приземје и два ката.
„Со овој проект се добиваат нови естетски вредности во самиот центар на градот, со што ќе добиеме објект кој со своето надворешно обликување наликува на типична современа и елитна архитектура. Овој трговско деловен објект заедно со веќе постоечките трговски содржини во градот, ќе го внесат нашиот град на картата на најпосетуваните места во нашата земја“, се вели во соопштението.
Со отворањето на овој објект ќе се отворат и 250 нови работни места а ќе има и паркинг простор со капацитет од 150 возила.