СДСМ му го честита отворањето на катната гаража во центарот на Скопје на бизнисменот Мите Јовановски. Му посакаа многу успех и со изградбата на преостанатите вакви објекти на атрактивни локации во центарот на Скопје, кои ги купи од државата. Се надеваат дека Јовановски ќе успее да ја заврши својата инвестиција без да мора да подмитува и без да биде уценуван да плаќа рекет.
„Да потсетиме дека овој бизнисмен, во интервју за неделникот Фокус јавно искажа прецизни обвинувања дека му барале и земале мито за да може непречено да се занимава со својот нафтен бизнис. Јовановски во интервјуто конкретно посочува неколку државни институции, јасно и прецизно кажува дека кога одлучил да ја прекине таа практика, инспекциите ставиле клуч на неговите бензински пумпи“, рече Соња петрова.
Повеќе од видеото.