„Никола Груевски и Никола Тодоров вчера ја признаа високата смртност на бебиња во беровско.
По 10 години власт, Груевски им најави на беровчани привремена гинеколошка амбуланта од јануари, кога повеќе нема да биде премиер.
Груевски и Тодоров не можат да се извлечат со бесплатните прегледи во најава и шетачките амбуланти што ги најавуваат.
Груевски и Тодоров ќе одговараат и тоа не само на бервовчани, туку и пред граѓаните на Дојран каде умираат 30 бебиња на 1.000 живородени, пред граѓаните на Гевгелија каде умираат 18 бебиња на 1.000 живородени, пред родителите во Крушево, Неготино, Радовиш, кои се завиени во црно, пред граѓаните на Македонија.
Срамно е двајцата неодговорни Николи, Груевски и Тодоров, да се правдаат дека причината за смртноста на бебињата е необразуваност на мајките.
Податоците од релевантни истражувања покажуваат дека најголема смртност на бебиња има во општините кадешто недостигаат матични гинеколози и гинеколошки амбуланти.
Безобразно е во 21 век во Македонија да има 630 милиони евра за споменици, да има милион евра тендер за уредничката Ивона Талвеска, ама да нема лекари и амбуланти.
Во Македонија, во 21 век умираат три пати повеќе новороденчиња од просекот на земјите од Балканот и ЕУ!
Тоа е резултат на тендер политиките на Груевски и на Тодоров.
Умираат пациенти, се пука во лекари, болниците се руина, апаратите се или расипани или во кутии.
Здравството е во колапс од катастрофалните политики на Тодоров и Груевски“, се вели во соопштението на СДСМ.