СДСМ: Започнуваме сериозни преговори за формирање влада

Од:

СДСМ започнува сериозни преговори со претседателите на политичките партии, со работни групи, членови на раководствата на партиите, за нов четиригодишен полн мандат на стабилно мнозинство во Парламентот и формирање посветена Влада, која ќе се движи брзо напред по европскиот пат и патот на економијата и на правдата, велат од партијата.

Разговараме исклучиво за формирање Влада која се грижи за сите граѓани подеднакво, ослободени од какви било етнички предрасуди или национализми, Влада која нема никакви дилеми кога е во прашање нашиот заеднички пат кој се вика “Северна Македонија – Едно општество за сите”.

Разговараме за Влада која ќе се бори со криминалот и корупцијата на сите нивоа, а особено внимание ќе посветиме на делот за прочистување на правосудството и на проверката на потекло на пари и капитал кај секој функционер, по пат на систем што заеднички ќе го договориме.

Новата Влада предводена од СДСМ ќе донесе и сериозна реформа на јавната администрација, промена која ќе донесе ефикасни, поголем број и побрзи услуги за граѓаните, но и намалување на обемот на администрацијата за 20%, со помал број министри и рационализација на јавните служби.

Владата за која разговараме, на првото место од својата европска и граѓанска агенда, ќе ја има новата македонска економија, чии главни принципи се продолжување на раст на платите, вложување во младите и во рамномерниот регионален развој, водење посебна грижа за најсиромашните граѓани и постојана поддршка на домашниот приватен сектор.

Би можело да ве интересира

СДСМ: Мицкоски е на страната на неправдата и криминалот, ВМРО-ДПМНЕ е симбол на режим, политички терор и реваншизам

А1он

(ВИДЕО) Кузеска: 309.000 граѓани добија платежни картички во вредност од 26.8 милиони евра

Ана Ололовска

(ВИДЕО) Костадинов: Со именувањето на Ковачки, наместо демократизација Мицкоски спроведува милитаризација на ВМРО-ДПМНЕ

Ана Ололовска

СДСМ: Мерката од 14.500 денари по вработен им помогна на околу 120.000 вработени

Ана Ололовска

(ВИДЕО) Кузеска: Вело Марковски јавно ги поткопуваше мерките за заштита од Kовид-19 и ширеше страв во јавноста

Ана Ололовска

(ВИДЕО) Костадинов: Криминалната матрица во белата палата останува иста, Мицкоски останува извршител на Груевски

Ана Ололовска