СДСМ: Во ВМРО-ДПМНЕ нема никаква промена, тоа е партија заглавена во режимско криминалната матрица

Од:

„Христијан Мицкоски е човек кој нема капацитет да понуди нови политики, ниту пак некаков нов концепт. Тој е опкружен со лица од режимот кои биле и ќе останат на спротивната страна од правдата и одговорноста. Еден од нив е и Игор Јанушев, сегашен пратеник, а до неодамна прв соработник на Мицкоски како генерален секретар на ВМРО-ДПМНЕ“, велат од СДСМ.

„Против Јанушев е покренато обвинение за злоупотреба на службената положба при набавка на кинески автобуси.

Постои сомневање дека Јанушев го оштетил Буџетот за безмалку пет милиони евра, пари на граѓаните.

Со ова обвинение се зголемува бројот на пратеници на ВМРО-ДПМНЕ кои се товарат за различни криминални дела и кои се наоѓаат пред судовите.

За делото злоупотреба на службената положба, на обвинителна клупа е и Антонио Милошоски, лицето за кое има и пресуди од германски судови.

Одамна е јасно дека освен криминал, деструкција, лажни вести и опструкции, Мицкоски и ВМРО-ДПМНЕ не можат ништо друго да понудат.

Мицкоски цврсто стои на браникот на криминалот на режимот, но бегање од правдата нема, секој којшто се огрешил пред законите мора да сноси одговорност.

Тие можат да се пребојат во сите можни бои, но тоа нема да го избрише фактот дека во ВМРО-ДПМНЕ предводена од Мицкоски нема никаква промена.

Граѓаните го гледаат тоа и затоа не даваат доверба на политиките на Мицкоски, затоа криминалната ВМРО-ДПМНЕ ја чека нов пораз на претстојните избори наесен“, се наведува во соопштението на СДСМ.

Би можело да ве интересира

Филипче: Мицкоски да одговори зошто со законски измени се брише одредбата за уплата на 6% во вториот столб?

Бројките се немилосрдни и ги демантираат СДС, ДЗС вчера објави дека реалната нето-плата во септември пораснала за над 5%

СДСМ: Крпен живот, кошничката се доближи до 71.000 денари – само за храна се потребни 26.000 денари

ВМРО-ДПМНЕ: Филипче и СДС продолжуваат со лагите и манипулациите за Алта банка, овој пат јавната аукција сакаат да ја претстават како тајна зделка

(ВИДЕО) СДСМ со амандмани бара 2.500 денари повеќе месечно за студентски оброк и стипендии од 8.000 денари

СДСМ: 51 милион евра не се префрлени во вториот пензиски столб – кривична одговорност треба да започне од Мемов