Во власта владее молк за откажувањето на изградбата на рускиот гасовод Јужен тек. Каде е денеска Никола Груевски? Земјите во регионот објавуваат алтернативни решенија за снабдување со гас, заради најавите дека Русија се откажува од реализацијата на Јужен тек, а врвот на власта во Македонија молчи, реагираат од СДСМ.
Тоа покажува дека Владата на Никола Груевски нема стратегија за алтернативно снабдување на земјата со гас.
Бараме власта што побрзо да им одговори на граѓаните зошто дозволи Македонија да остане без стратегија за алтернативно снабдување со најевтиниот енергенс, гасот?
СДСМ неколку пати посочува дека за Република Македонија е корисно да има приклучок и на Трансјадранскиот гасовод ТАП. Земјата треба да инсистира ТАП да поминува низ Македонија и тоа со клучниот цевковод.
Од друга страна, ВМРО ДПМНЕ, во својата програма, се потпира исклучиво на реализацијата на Јужен тек за снабдување на земјата со гас.
СДСМ апелираше, уште во септември 2013 година, дека со ратификување на спогодбата за гасоводот Јужен тек Македонија ќе влезе во авантура од која може да излезе само како губитник.
За жал, денес тоа се случува. Денеска, Македонија е оставена без алтернативно снабдување со гаса се вели во реакцијата на СДСМ.