Социјалдемократскиот сојуз укажува дека во интерес на граѓаните и на државата е Никола Груевски и неговата партија да ја прифатат реалноста во Македонија, чии креатори се тие, со двојните криминални избори, велат од опозицијата.
Груевски знае дека сите меѓународни извештаи, вклучувајќи го и последниот конечен извештај на ОБСЕ/ОДИХР, ги потврдуваат ставовите на СДСМ: дека во Македонија не се знае што е партија, а што држава, дека нема слободни медиуми, дека е загрозена слободната волја на изразување на граѓаните, стои во реакцијата.
Оттука, невозможно е бегање од одговорност на најодговорните за овие состојби, Никола Груевски и ВМРО-ДПМНЕ.
Го повикуваме Никола Груевски да престане да мисли само на своите интереси со што нанесува штета на граѓаните и на државата, да се охрабри и да прифати разговори за сите 5 теми што ги предлагаат СДСМ и коалициските партнери како можност за излез од политичката криза.
