СДСМ во Куманово синоќа ја усвои листата на кандидати на советници за претстојните локални избори. По изборната конференција носител на листата е Максим Димитриевски, а по него следат и кандидати од коалиционите партии на НСДП, ЛДП, ВМРО-НП и Обедитени за Македонија.
Претседателката на СДСМ, Снежана Захариева истакна дека предложените кандидати со акламација биле изгласани од делегатите на конференцијата.
-Во исклучително деликатна политичка состојба во државата, во која сите посакуваа неединство и распад на СДСМ, ние демонстриравме максимално единство и кооперативност, кога се во прашање интересите на партијата. Верувам дека тоа ќе го покажеме и на 24-ти март на денот на изборите, кога масовно ќе дадеме поддршка на нашиот кандидат за градоначалник и советниците, со што ќе докажеме дека Куманово останува бастион на СДСМ и неостварена желба на ВМРО-ДПМНЕ и останатите политички опоненти- изјави Захариева за „Куманово њус“.
Елена Георгиевска