Комисијата за труд и социјална политика на СДСМ ги продолжи своите активности низ Македонија. Членови на Комисијата во Кавадарци, Неготино, Велес и Чашка остварија бројни средби со граѓани на коишто разговараа за социјалните проблеми со кои се соочуваат луѓето.
Кавадарчани се пожалија на непочитување на стандардите за безбедност и здравје при работа од страна на работодавците, што доведува до смртни случаи и повреди на работни мести. Велат дека Трудовата инспекција не ги штити работничките права.
Голем проблем за граѓаните на Кавадарци претставува и тоа што во тој регион нема шелтер центри за заштита на жртвите од семејно насилство и советувалишта за превенција и заштита од семејно насилство. Надлежните за овие проблеми ниту препознаваат семејно насилство, ниту реагираат навремено, зборуваа засегнати жители.
Во Неготино, граѓаните побараа изградба нови домови за стари лица и поголема грижа за старите и изнемоштени лица.
Во Велес, граѓаните говореа за лошата егзистенцијална состојба.
Во реонот на Чашка жителите немаат елементарни услови за функционирање: градинки во руралните средини, пристап до основни здравствени услуги.
На средбите со граѓаните, претставниците на Комисијата за труд и социјална политика на СДСМ ги објаснија мерките на СДСМ во делот на социјалната политика и заштита, но ги забележаа и конкретните проблеми, автентични за локалните средини, со цел доутврдување на начините и мерките за решавање на конкретните проблеми на коишто се жалат граѓаните.