„Нервозата од работното лето на СДСМ ја става во ситуација владејачката партија да почнува да блада на своите анемични прес конференции. ВМРО-ДПМНЕ се обидува за сопствените гревови во Крушево да го обвини СДСМ“, стои во писменото соопштение на опозициската СДСМ.
Од последните локални избори во Крушево за 50% е намален бројот на активни жители, од 3500 во 2009 година, сега во градот активно живеат 1800 жители. Тоа е најпоразителен показател за штетните политики на ВМРО-ДПМНЕ во оваа општина, велат од СДСМ.
Кога веќе не се откажуваат од темата за приватизацијата, СДСМ им порачува на колегите од ВМРО-ДПМНЕ да си ги постават следните прашања внатре во партијата:
-Прво, Зошто Груевски како министер за финансии го потпиша ФЕСЕЛ 2 аранжманот со кој ги ликвидираше речиси сите фирми во Крушево и остави стотици луѓе без работа.
-Второ, Конкретно за Жито Крушево во ВМРО-ДПМНЕ може да го прашаат баџанакот на актуелниот градоначалник на Крушево кој беше директот кога оваа фирма се затвори.
-Трето, За Тутунскиот комбинат во Крушево ВМРО-ДПМНЕ може да го праша таткото на актуелниот градоначалник кој исто така беше директор на оваа фирма кога таа се затвори.
„За волја на вистината ВМРО-ДПМНЕ и во Крушево си има “фамилија“ која во последните 20 години има три градоначалника. Актуелниот, неговиот татко и неговиот прв братучед“, велат од СДСМ.