СДСМ: ВМРО-ДПМНЕ не се менува, се уште дејствува опасно по здравјето на граѓаните, води црна кампања наместо да повика на вакцинација

Од:

Од СДСМ преку писмена реакција се обратија до јавноста, по денешното соопштение на ВМРО ДПМНЕ.

„Матрицата на ВМРО-ДПМНЕ и Христијан Мицкоски од самиот старт на пандемијата останува иста – продолжуваат да дејствуваат опасно по здравјето на граѓаните и здравствениот систем.

Тие беа првите што ги прекршија сите мерки за заштита, се потсмеваа на болните од коронавирусот, поддржуваа антиваксерски протести, но затоа ја користат секоја можна прилика да водат црна кампања против министерот за здравство Венко Филипче, да шират невистини за масовноста на имунизацијата и да ја вознемируваат јавноста заради ситни политички поени.

Неодговорното ВМРО-ДПМНЕ кое, за жал, ниту еднаш не покажа грижа за здравјето на народот е најмалку повикано да зборува за каква било состојба со коронавирусот.

Ниту една лажна вест на ВМРО-ДПМНЕ за масовноста на вакцинацијата не може да го оспори фактот дека имунизацијата се спроведува со засилено темпо, а бележиме и значително намалување на бројот на заразени со коронавирусот.

Како одговорна власт заедно со надлежните институции континуирано апелираме на вакцинација, бидејќи вакцините се безбедни и се единствениот начин да се победи пандемијата.

ВМРО-ДПМНЕ ќе остане запаметена дека во време на пандемија застана на страната на вирусот, наместо на страната на здравствениот систем и граѓаните“, велат од СДСМ во реакцијата.

Би можело да ве интересира

(ВИДЕО) Манасиевски: Филипче и СДС и натаму лажат дека Алта банка имала забрана за работа во ЕУ

А1он

(ВИДЕО) Кузеска: Една недела нема одговор од Савески за Алта банка и кривичната – им купува време на Мицкоски и Славески?

А1он

СДСМ: Мицкоски и Кочоска најавуваат задолжување од 2 милијарди евра во 2027 година

А1он

(ВИДЕО) Тренчевска: Насилникот од Охрид не е сам – проширување на истрагата и казни за сите што му помагале да се заташка

СДСМ: Тепачот на Сара, насилникот од Охрид бил пуштен на слобода поради врски со ВМРО – ДПМНЕ

СДСМ: Партиските редови денес се почисти, а ЗНАМ се фали со своите нови платеници

А1он