СДСМ во реакција на денешната најава од министерот за транспорт Владо Мисајловски за градба и обнова на нови патишта наведува дека ВМРО-ДПМНЕ имале десет години да изградат модерни автопати и оти нова влада предводена од СДСМ ќе ја унапреди патната инфраструктура.
– Во првите две години од мандатот, новата влада предводена од СДСМ ќе инвестира 600 милиони евра за изградба на патишта. Развојот на патната инфраструктура е еден од врвните приоритети во Планот за живот во Македонија и е една од причините зошто големото мнозинство граѓани избра промени, се вели во реакцијата.
Според СДСМ, доколку ВМРО-ДПМНЕ навистина се грижеле за граѓаните имале десет години на располагање за да изградат модерни автопатишта.